Yangiliklar
Koʻchat ekib, bogʻ yaratish – ajdodlarimizdan qolgan qadriyatlarimizdan biridir. Shu boisdan ham davlatimiz rahbarining faol tashabbusi ortidan yurtimizda “Yashil makon” umummilliy loyihasi amalga oshirilmoqda. Milliy gvardiya "Qoʻriqlash" bosh boshqarmasi va uning hududiy boʻlinmalari xodimlari ham ekologiya va atrof-muhitni asrash hamda tabiatimizni koʻkalamzorlashtirish ishlarida faol ishtirok etishmoqda.
Milliy gvardiya Samarqand viloyati boʻyicha boshqarmasi, viloyat "Qoʻriqlash" boshqarmasi hamda viloyat Maktabgacha va maktab taʼlimi boshqarmasi hamkorligida Oʻzbekiston Respublikasi Davlat bayrogʻi qabul qilinganligining 33 yilligi munosabati bilan «Ranglarda aks etgan Vatan bayrogʻi» mavzusida rasmlar tanlovi boʻlib oʻtdi.
Urganch shahridagi Mahmud Zamaxshariy nomidagi Xorazm viloyati axborot-kutubxona markazida Milliy gvardiya Xorazm viloyati boʻyicha boshqarmasi, “Qoʻriqlash” boshqarmasi hamda Urganch davlat pedagogika instituti talabalari ishtirokida “Bayrogʻimiz – faxrimiz, gʻururimiz” shiori ostida "Zakovat" intellektual oʻyini oʻtkazildi.
Kuni kecha Namangan viloyatida oʻtkazilgan xotira tadbirida yurtimizning mashhur jadid fidoyisi, olim va maʼrifatparvar Is’hoqxon Toʻra Ibrat merosini yodga olindi. Tadbirda Milliy gvardiya Namangan viloyati boʻyicha boshqarmasi harbiy xizmatchilari, "Qoʻriqlash" boshqarmasi xodimlari hamda viloyat faxriylari ishtirok etdilar.
Andijon davlat universiteti va Andijon davlat pedagogika instituti Psixologiya fanlari nomzodlari (PhD) tomonidan Milliy gvardiyaning Andijon viloyati "Qoʻriqlash" boshqarmasi xodimlari uchun amaliy trening oʻtkazildi. Ushbu treningning asosiy maqsadi — xodimlarda jamoaviy ruxni shakllantirish va tavakkalchilikka moyillikni kamaytirish.
Milliy gvardiya Buxoro hamda Andijon viloyatlari "Qoʻriqlash" boshqarmalarida IIB YHXB masʼullari hamkorligida targʻibot tadbirlari oʻtkazildi. Tadbirlar avvalida kun mavzusi yuzasidan malakali mutaxassislar tomonidan kerakli maʼlumotlar yetkazilib, yoʻriqnomaga asosan yoʻl harakati qoidalariga kiritilgan oʻzgartirish hamda qoʻshimchalar boʻyicha tushunchalar berildi.
Xodimlarning dam olish kunlari hamda ishdan boʻsh vaqtlarini mazmunli oʻtkazish, ularning tarixiy bilim va koʻnikmalarini mustahkamlab borish hamda noyob meʼmoriy obidalar va hunarmandchilik sanʼati bilan yaqindan tanishtirish maqsadida diqqatga sazovor maskanlarga sayohatlar va turli tadbirlar amalga oshirilib kelinmoqda.
Milliy gvardiya Xorazm viloyati "Qoʻriqlash" boshqarmasi shaxsiy tarkibi uchun tashkil etilgan davra suhbati qimmatli maʼlumotlarga boy tarzda oʻtdi. Tadbirda xodimlar orasida maʼrifat va taʼlimning ahamiyati, jamiyatdagi ijtimoiy-axloqiy muammolarga qarshi kurashish yoʻllari muhokama qilindi. Davra suhbati jarayonida, maʼruzachilar va mutaxassislar taʼlim olishning muhimligi, yoshlarning qalbida maʼnaviy va axloqiy qadriyatlarni shakllantirish hamda ularni jaholat va salbiy taʼsirlardan himoya qilishga qaratilgan zamonaviy usullar haqida oʻz qarashlarini bildirishdi.