Yangiliklar
Yoshlar oʻrtasida vatanparvarlik ruxini shakllantirish, ularning ongida vatanga boʻlgan muhabbat va sadoqat tuygʻularini uygʻotish hamda harbiylik kasbiga boʻlgan qiziqishlarini orttirish maqsadida bugungi kunda Namangan viloyati "Qoʻriqlash" boshqarmasi xodimlari tomonidan ham bir qator tizimli ishlar amalga oshirib kelinmoqda.
Samarqand viloyati Qon quyish stansiyasi tomonidan davlatimiz rahbarining 2022 yil 9 avgustdagi “Respublikada qon bilan ishlash xizmati muassasalari faoliyatini yanada takomillashtirish va aholi orasida begʻaraz donorlik harakatini rivojlantirish choralari toʻgʻrisida”gi qarori ijrosini taʼminlash maqsadida joylarda “Men donorman” xayriya aksiyalari tashkil etilmoqda. Navbatdagi aksiya Samarqand shahar "Qoʻriqlash" boʻlimida oʻtkazildi.
Milliy gvardiya "Qoʻriqlash" xizmati xodimlari tomonidan aholi va tadbirkorlar oʻrtasida targʻibot-tashviqot ishlari oʻtkazildi.
9 may – Xotira va qadrlash kuni hamda Ikkinchi jahon urushida qozonilgan gʻalabaning 79 yilligi munosabati bilan Oʻzbekiston Yoshlar ittifoqi Jizzax viloyat Kengashi, viloyat "Qoʻriqlash" boshqarmasi bilan hamkorligida Jizzax shahridagi Sharof Rashidov uy-muzeyiga tashrif tashkil etilib, faxriylar, harbiylar va yoshlar ishtirokida “Jasorat – millat gʻururi va iftixori” shiori ostida “Avlodlar uchrashuvi” ham oʻtkazildi.
Milliy gvardiya harbiy-xizmatchi va xodimlarini mavjud tarixiy obidalar bilan yaqindan tanishtirish hamda ularning dam olish kunlarini maroqli oʻtkazishlarini taʼminlash maqsadida keng qamrovli ishlar muntazam ravishda olib borilmoqda.
Oʻzbekiston Respublikasi Milliy gvardiyasi Toshkent mintaqaviy oʻquv markazi shaxsiy tarkibi va tinglovchilari oʻrtasida xizmat intizomi va qonunchilikni mustahkamlash, doimo hushyor va ogoh xizmat olib borishlarini taʼminlash hamda “Huquqbuzarliklar profilaktikasi kuni” munosabati bilan Toshkent shahar IIBB masʼul xodimlari ishtirokida profilaktik uchrashuv oʻtkazildi.
Milliy gvardiya Buxoro viloyati "Qoʻriqlash" boshqarmasida Harbiy prokuratura bilan hamkorlikda shaxsiy tarkibi oʻrtasida xizmat intizomi va qonuniylikni mustahkamlash, tizimda sodir etilishi mumkin boʻlgan turli korrupsiyaviy holatlarni oldini olish, tamagirlik va boshqa shunga oʻxshash salbiy holatlarni oldini olishga bagʻishlangan muhokama yigʻilishi oʻtkazildi.
Barchamizga maʼlumki shiddat bilan rivojlanayotgan bugungi davrda psixologik bilimlarga ehtiyoj sezilarli darajada oshdi. Shu maqsadda kuni kecha Xorazm viloyati "Qoʻriqlash" boshqarmasi Urganch tuman "Qoʻriqlash" boʻlimi xodimlari uchun “Shaxslararo munosabatga kirishishning psixologik jihatlari” mavzusida davra suhbati oʻtkazildi.