Yangiliklar
Hududlarda jinoyatchilik va huquqbuzarliklarning oldini olish, jismoniy va yuridik shaxslarning mol-mulklarini ishonchli qoʻriqlashni taʼminlashda zamonaviy qoʻriqlash signalizatsiya uskunalaridan foydalanishni targʻib qilish maqsadida Milliy gvardiya Samarqand hamda Fargʻona viloyatlari "Qoʻriqlash" boshqarmalari xodimlari tomonidan oʻtkazilgan profilaktik ishlar davomida fuqarolarga "Qoʻriqlash" xizmati afzalliklaridan foydalanish, sohaga kiritilayotgan oʻzgartirishlar va yaratilayotgan qulayliklar borasida tushunchalar berildi.
Katta hayot ostonasida turgan yoshlar uchun harbiy sohaga qiziqishni oshirish va ularning kasb tanlash jarayonida toʻgʻri yoʻl koʻrsatish muhim ahamiyatga ega. Shu maqsadda, Namangan shahridagi 1-sonli ixtisoslashtirilgan maktab oʻquvchilari uchun Namangan viloyati "Qoʻriqlash" boshqarmasi tomonidan "Ochiq eshiklar kuni" tadbiri tashkil etildi.
Milliy gvardiya Xorazm viloyati "Qoʻriqlash" boshqarmasiga biriktirilgan otaliqqa olingan yoshlar uchun Xiva shahridagi "Ichan qalʼa" tarixiy yodgorlik majmuasida hamda Yangibozor tumanida vatanparvarlik, koʻngilochar va sport tadbirlari oʻtkazildi.
Chekka va chegara oldi hududlardagi oʻquvchi yoshlarni vatanparvarlik ruhida tarbiyalash maqsadida Milliy gvardiya, Harbiy prokuratura hamda Mudofaa vazirligi tomonidan hamkorlikdagi tadbirlar oʻtkazilib kelinmoqda.
Oʻzbekiston Respublikasi Milliy gvardiyasi Fargʻona mintaqaviy oʻquv markazida "Ilm-fan va taʼlimning innovatsion rivojlanishi: hozirgi holati va taraqqiyot tamoyillari" mavzusida ilmiy-amaliy anjuman oʻtkazildi.
Fargʻona viloyatida oʻtkazilayotgan "Giyohvandlikka qarshi kurashish" oyligi doirasida "Qoʻriqlash" boshqarmasida davra suhbati boʻlib oʻtdi. Tadbirda Ichki ishlar organlarining masʼul xodimlari, Din ishlari boʻlimi vakillari, Narkologiya dispanseri mutaxassislari va boshqarma shaxsiy tarkibi ishtirok etdi.
Kuni kecha Milliy gvardiya huzuridagi Qorabayir otlari mahorat maktabida Milliy gvardiya qoʻmondoni oʻrinbosari ishtirokida “Rahbar va yoshlar” uchrashuvi boʻlib oʻtdi.
Milliy gvardiya Toshkent mintaqaviy oʻquv markazi shaxsiy tarkibi va tinglovchilarining bilimi va dunyoqarashini yanada oshirish, ularda milliy va umuminsoniy qadriyatlarga, bebaho tarixiy va madaniy merosimizga boʻlgan hurmat tuygʻularini tarbiyalash va kuchaytirish, shu bilan birga mamlakatimizning noyob aloqa tarixi bilan yaqindan tanishishlarini taʼminlash maqsadida "Aloqa tarixi" muzeyiga tashrif buyurishlari tashkillashtirildi.