Янгиликлар
Фарғона вилояти "Қўриқлаш" бошқармаси ходимлари ҳамда ҳамкорликдаги ташкилотлар билан бирга аҳоли ва тадбиркорлик субъектлари иштирокида "Обод ва хавфсиз маҳалла" тамойили асосида тарғибот тадбирлари бўлиб ўтди.
Миллий гвардия Хоразм вилояти "Қўриқлаш" бошқармаси ходимлари иштирокида таваккалчиликка асосланган тотализатор, виртуал ва турли кўринишдаги интернет ўйинларининг салбий оқибатлари ҳамда шахсий таркиб иштирокида кибержиноятларга қарши кибериммунитетни шакллантиришга бағишланган давра суҳбати ўтказилди.
Мамлакатимизда навқирон авлод саломатлигини мустаҳкамлаш, уларнинг жисмоний, интеллектуал ва маънавий ривожланиши учун кенг имконият ва қулай шароит яратишга алоҳида эътибор қаратилмоқда. Айниқса, оромгоҳларда дам олаётган ўғил-қизларнинг ёзги таътил вақтларини мазмунли ташкил этиш мақсадида "Қўриқлаш" хизмати ходимлари томонидан ватанпарварлик ва кўнгилочар тадбирлари, спорт мусобақалари ўтказилиб келинмоқда.
Ўзбекистон Республикаси давлат мустақиллигининг ўттиз уч йиллиги олдидан “Бир бўлсак – ягона ҳақмиз, бирлашсак - Ватанмиз” шиори остида Миллий гвардия бўлинмалари ҳарбий хизматчи ва ходимлари ўртасида Ўзбекистон Функционал кўпкураш федерацияси спорт мажмуасида мусобақа ўтказилди. Ундан кўзланган мақсад бўлинмаларда жисмоний тайёргарлик машғулотларига “Функционал кўпкурашни” киритиш, ҳарбий хизматчилар ва ходимлар орасида функционал кўпкурашни кенг тарғиб қилиш бўйича йўл харитасида белгилаб берилган вазифаларни ижросини таъминлашдан иборат.
Ўқувчи ёшларнинг ёзги таътил вақтларини мазмунли ўтказиш, уларнинг жисмоний ва ақлий салоҳиятларини ошириш, болажонларга яхши кайфият улашиш мақсадида болалар соғломлаштириш оромгоҳларда ватанпарварлик, спорт ҳамда кўнгилочар тадбирлари давом этмоқда.
Миллий гвардия Хоразм вилояти "Қўриқлаш" бошқармаси ходимларининг бўш вақтларини мазмунли ташкил этиш, уларнинг оила аъзоларини маданий хордиқ олишларини таъминлаш мақсадида Хива шаҳрига саёҳат ташкил этилди.
Миллий гвардия Наманган вилояти бўйича бошқармаси ва "Қўриқлаш" бошқармаси ҳамда вилоят ҳарбий прокуратураси билан ҳамкорликда Косонсой туманида жойлашган “Соҳил” болалар соғломлаштириш оромгоҳида дам олувчи болажонлар иштирокида "Мардлар қўриқлайди ватанни" шиори остида ватанпарварлик ва спорт тадбирлари ўтказилди.