Янгиликлар
"Бир бўлсак – ягона халқмиз, бирлашсак – ватанмиз". Наманган вилояти Косонсой туманидаги "Соҳил" болалар дам олиш оромгоҳида ўтказилган навбатдаги ватанпарварлик, кўнгилочар ҳамда спорт тадбирлари ана шундай гўзал шиор остида бўлиб ўтди.
Миллий гвардия Наманган вилояти "Қўриқлаш" бошқармаси, вилоят Ҳарбий прокуратураси, Ёшлар ишлари бошқармаси ҳамда Ўзбекистон давлат муассасалари ва жамоат хизмати ходимлари касаба уюшмаси Наманган вилоят Кенгаши билан ҳамкорликда “Бир бўлсак – ягона халқмиз, бирлашсак – Ватанмиз” шиори остида "Қўриқлаш" хизматининг 30 ёшгача бўлган ёш ходимлари ўртасида уларнинг билим салоҳияти ва даражасини ошириш, дунёқарашини кенгайтириш мақсадида “Заковат” интеллектуал турнири ташкил этилди. Турнир Наманган шаҳридаги “Заковат клуби” биносида бўлиб ўтди.
Мазкур тадбир Гулистон шаҳрида жойлашган Ёшлар марказида "Қўриқлаш" бошқармаси ҳамда Мактабгача ва мактаб талими бошқармаси масъул ходимлари томонидан вилоят ҳудудидаги мактабларда фаолият олиб бораётган қоровуллар иштирокида ўтказилди. Тадбирда сўз олганлар томонидан ҳамкорликда амалга оширилаётган чора-тадбирлар натижасида бугунги кунда тизимли ишлар олиб борилаётганлиги алоҳида эътироф этилди.
Ҳарбий хизматчилар, ходимлар ва уларнинг оила аъзоларининг муаммоларини жойида ўрганиш ва ҳал этиш мақсадида Жиззах вилояти Бахмал туманида Ўзбекистон Республикаси ҳарбий прокурори, Миллий гвардия Марказий Девони ҳамда вилоят "Қўриқлаш" бошқармаси раҳбарияти, шунингдек, қатор ташкилотлар раҳбарлари иштирокида сайёр қабул ташкил этилди.
Миллий гвардия Жиззах минтақавий ўқув марказида автомактаб ходимлари иштирокида "Ҳайдовчи – унутма, уйда сени оиланг кутмоқда" мавзусида амалий ўқув машғулотлари ўтказилди.
Фарғона вилояти "Қўриқлаш" бошқармаси психолог-мутахассислари томонидан шахсий таркибнинг руҳий ҳолатини кўтариш ва хизмат сифатини яхшилаш мақсадида проектив методикалар, якка тартибда суҳбатлар ҳамда психологик тренинг ташкил этилди.
Ҳудудларда жиноятчилик ва ҳуқуқбузарликларнинг олдини олиш, жисмоний ва юридик шахсларнинг мол-мулкларини ишончли қўриқлашни таъминлашда замонавий қўриқлаш сигнализация ускуналаридан фойдаланишни тарғиб қилиш мақсадида ўтказилган профилактик ишлар давомида фуқароларга "Қўриқлаш" хизмати афзалликларидан фойдаланиш, соҳага киритилаётган ўзгартиришлар ва яратилаётган қулайликлар борасида тушунчалар берилди.
Тадбир давомида ҳарбий хизматчи ва ходимлар илк давлатчилигимизга оид кўҳна экспонатлар билан яқиндан танишиш билан бирга, ўз навбатида мароқли маданий ҳордиқ ҳам чиқардилар. Музейда намойиш этилаётган экспонатларни кузатган иштирокчилар Самарқанднинг юқори даражадаги маданий, сиёсий, диний ва ишлаб чиқаришдаги ҳаёти тўғрисида қизиқарли маълумотларга эга бўлишди.